Babîyê Zaynal Abarakovî wezîfe ra ame dûrvistene

Babîyê Zaynal Abrakovî Engîn Yucel wezîfeyê xo polîsîye ra seba wextêkî ame dûrvistene. Zaynal Abarakov vergumanê tehqîqatê Gulîstane Doku yo.

Wendekara Zanîngehê Munzurî Gulîstane Doku 5ê çeleyî ra nata vînbîyaye ya. Zaynal Abarakovo ke babîyê ci Engîn Yucel polîs o,  tehqîqatê dewaya Gulîstane de verguman o. 

Babîyê Zaynal Abarakovî Engîn Yucel wextêk wezîfeyê xo polîsîye ra ame dûrvistene. Verê cû zî amebi vatene ke Engîn Yucelî tehqîqatê Gulîstane Doku de tay delîlî bi zanayîşî pûç kerdî û seba ke biremo hetkarîya lajê xo kerde. 

Dîya zanayene ke babîyê Zaynal Abarakovî Engîn Yucel çarçewa 'tehqîqatêkê bînî' de wezîfeyê xo ra ame dûrvistene.