DAÎŞî hêrişê dewêka Iraqî kerd: 12 kesî kişîyayî, 15 kesî birîndar bîyî
Cerganê DAÎŞî wîlayetê Dîyala yê Iraqî de hêrişê dewêke kerd. Hêriş de tewr tay 12 kesî ameyî kiştene, 15 kesî zî birîndar bîyî.
Goreyê çimeyanê asayîşî yê Iraqî DAÎŞî hêrişê dewa El Reşadî ya qezaya El Mikdadîye ya Dîyala ame kerdene. Hêriş de goreyê zanayîşanê verênan cerganê DAÎŞî 12 kesî qetil kerdî û 15 kesî zî birîndar kerdî.
Hêrişkerî remayî û hêzê asayîşî sewqê herême ameyî kerdene.
Serekwezîrê Iraqî Mistefa Kazimîyî twitterî ra eşkerayîyêke daye û pare kerd ke operasyonêko hîra dîya destpêkerdene.
