Dewijê Qendîlî: Eke Qendîl bin bikewo do Başûr zî bin bikewo

Razînêbîyayîşê hemverê îşxalkarîya dewleta Tirkî ya Başûrê Kurdistanî pîl bena. Dewijo bi nameyê Mişîr Xidirî vat ke her roje hemverê înan de hêrişî yenê kerdene û vat, “Eke Qendîl bin bikewo do Başûr û hemeyê Kurdistanî bin bikewo.”  

Dewijo Başûrê Kurdisstanij yo bi nameyê Misşîr Xidirî seba endamê Konseya Serekîya Pêroyîye ya KCK’yî Dîyar Xerîbî vat, “Ê kesan ra yew bi ke seba Kurdistanî kedêka pîle daye. Temsîlkaro pîl ê yewîya Kurdistanî bi.”

 ‘Seba Yewîya Neteweyîye Mucadele Kerdêne’

Xidirî vat, “Kedkaranê pîlan ê Kurdistanî ra yew bi. Seba ke Kurdistan de yewîya neteweyîye virazîyo yew bi yew merdiman dir qisey kerd û ê goşdarî kerdî. Seba ke Kurdî yewbînan nêkişê, seba yewîye û yewbînangirewtişî xebetîyayêne. Dîyar Xerîb ê embazan ra yew bi.”

‘Binê Nameyê Gerîlayan de Ma Kişenê’

Xidirî hemverê hêrişanê hewayîyan ê dewleta Tirkî de razînêbîyayîşê xo ard ziwan û vat, „Eke Qendîl bin bikewo do Başûrê Kurdistanî bi temamî bin bikewo.“

Xerîbî peynî de vat, „Nika ma nêeşkenê şirê tayê dewanê xo, çunke tim hêrişê hewayîyî estê. Dewe de ma bi zîretî debara xo kenê. Labelê nika ma neeşkenê heywananê xo wayîr kerê û ne zî karê zîretî bikerê. Binê nameyê gerîlayan de tim ma kişenê. Her roje Qendîlî ser o bombayan varnenê. Eke Qendîl bin bikewo do Başûr û hemeyê Kurdistanî bin bikewê. Çunke Kurdî PKK’yî estê. Partîyê Kurdistanî heme saya PKK’yî de estê. Seba keda Dîyar Xerîbî ganî Kurdî heme bibê yew.“