Merkezê Îrtîbatî û Çapemenîye yê HPGyî bi eşkerayîyêke derheqê çalakîyanê Serhad û Xakurkê de zanayîş da.

Eşkerayîye de nê ameyî parekerdene:

''Hêzanê ma çarçeweya Hemleya Serkewtişê Şorişgerî ya ke Eyaletê Serhadî de dewam kena de vera îşxalkeran çalakîyî viraştî. Na çarçewe de; 1ê nîsane de qezaya Başanî ya Îdirî de vera qilê asayîşê Qereqolê Korxanî çalakîyêke ameye viraştene. Çalakîya de leşkerî çar qolan ra ameyî pirodayene de 4 leşkerî ameyî kiştene û 2 zî birîndar bîyî.  2ê nîsane de zî hêzanê ma Bazîdê Agîrî de vera leşkeranê Qereqolê Vedat Ozkayayî çalakîyê suîqestî viraştî. Çalakîyan de 2 leşkerî ameyî kiştene. Yewîyanê ma yê ke çalakîyî viraştî weş û war resayî waranê baregehê xo.

Çarçeweya Hemleya Şorişgêre ya Şehîd Bager û Şehîde Ronya de hêzanê ma 2ê nîsane de leşkerê tirkî yê ke  Qilê Şehîde Axine yê Xakurkê de ameybî cakerdene hedef girewtî. Çalakîya de stargeh û mewzîyê dişmenî bitesîr ameyî pirodayene de hûmara merde û birîndaran ê dişmenî zelal nêbîye.''