Gerîlayanê Cengê Heftanînî qala xoverdayîşê xo kerd

Gerîlayê HPG û YJA-Starî: ''Bi taktîkanê zengînan ma do dişmenan erdê xo ra bivejê. Gerîlayê neweyî bi pisporîye do ser bikewê. Hewn û xeyalê şehîdan bêrê ca. Ma sey gerîlayanê Heftanînî şarê xo bi serkewtişî şad bikerê."

Gerîlayanê HPG û YJA-Starî Cengê Heftanînî ercna. Cengê Heftanînî bi çalakîyanê gerîlayan dewam keno. 

Gerîla Arîne Demhat vat: "Ez sey cinîyêka erebe tewrê şorişî bîye û sey sekbanêke Cengê Haftanînî de şer kena. No seba mi keyfweşîye û sereberzî yo.

Dişmenî nêzanenê ke PKK esasê şehadetî ser o ame awankerdene û heta ewro zî xoverdayîşê ci dewam keno. Ma bi şehadetî hîna bihêz benê. Ma do heta serkewtişê şorişî xoverdayîşê xo dewam bikerê. Na bira ma ya serra 2020î ya.

Gerîlayê HPGyî Şahîn Rojhelatî vat: "Gerîlayê Cengê Heftanînî do her tim erdê xo bipawê. Qesasê pêro şehîdan do bigêrê. Ma do xeta şehîdanê Cengê Heftanînî de şer bikerê û ser bikewê. ''

Gerîlayê HPGyî Kawa Rojhilatî vat: ''Bi taktîkanê zengînan ma do dişmenan erdê xo ra bivejê. Gerîlayê neweyî bi pisporîye do ser bikewê. Hewn û xeyalê şehîdan bêrê ca. Ma sey gerîlayanê Heftanînî şarê xo bi serkewtişî şad bikerê."