Çewlîg: ''Ganî ma koletîye rê vajê bes o ke bibê wayîrê statuyî''

Leyla Guvena ke kombîyayîşê şarî yê Kanîreşê Çewlîgî de qisey kerd vat: 'Ganî kurdî bibê yew. No zî hetê birêz Ocalan û Mesûd Barzanî ra eşkeno bêro kerdene.''

Hemsereka Kongreya Komelê Demokratîkî (KCD) Leyla Guvene qezaya Kanîreşî ya Çewlîg de tewrê kombîyayîşê Partîya Demokratîke ya Şaran (HDP) bîye.

Kombîyayîşêko xeylêk kesî tewrê ci bîyî de Guvene bale ante zextê vera kurdan ser û vat: ''Çew/e nêeşkayene vajo ke ez kurd a. Ma binê herre ra vejîyayî û vat ''kurd/e esto/a, heqê ma estê.''  Bi seserran o ke cehd kenê ke kurdan cêser bifinê. Wazenê kultur û ziwanê kurdan bidê vîrakerdene. Waşt ke kurdan orte ra wedarê. Coka Şêx Seîd, Seyîd Riza û roja ma de birêz Ocalan vat ''ma estê.'' Destpêkerdişê merdimîye ra ma na herre de estê. Kam/e eşkeno vajê ke kurdî çîn ê. Kurdî ameyî qetilkerdene û surgunkerdene. Coka ganî ma tarîxê xo zaf hol bizanê. Hinî heme dinya estbîyayîşê kurdan ra hayîdar a. Nika meseleya kurd/e çîn o/a. orte ra wedarîyaye.

Guvene bale ante ser ke rixmê heme hêrişan kurdî bihêz û vat: ''Îmkan û cesaretê ma esto. Nê zaf bierjê. Ma bi dayîşê bedalan heta ewro ameyî. Nika seserre qedîyaye. Hukmatî, Îngîlîstan, Amerîka û Rûsya de Rojhelatê Mîyanênî de peyê kayan de yê. Mîyanê nê kayan de Tirkîya, Îran û Sûrîye zî estî. Ganî her çî verê çimî de tepişê. Kurdî ganî sey yew ruhî bê. No destê ma de yo.''

Guvene muhîmîya yewbîyayîşê kurdan vist vîrî û vat: ''Ganî ma di çîyan bikerê verê xo. Birêz Ocalan û Mesûd Barzanî eşkenê kurdan bikerê yew. Kongreya neteweyî eşkena bikera. Ganî ma hînî vera zextî û koletîye vajê bes o û bikerê ke wayîrê statuyî bê.''

Guvene dima pîya partîyîjan esnafî zîyaret kerdî û problemê înan goştarî kerdî.