Hemşaredara Hezoyî Nazîme Avci ameye destbendkerdene

Hemşaredara qezaya Hezoyî ya Êlihî  Nazîme Avci sereştişê keyeyê ci de ameye destbendkerdene. Reyna Amed de zî polîsan eşt keyeyan ser.

Polîsan serê sibayî eşt keyeyê Hemşaredara qezaya Hezoyî ya Êlihî  Nazîme Avci ser. Badê cigêrayîşê keyeyê ci de Avci pê xeylêk polîs û wesayîtanê zirxinan ameye destbendkerdene.

Derheqê sebebê destbendkerdişî de zanayîş nêame girewtene. Avci ameye berdene Mudirîya Asayîşî ya Qeza.

Şaredarîya Hezoyî vîjnayîşê 31ê adara 2019î kewtê destê Partîya Demokratîke ya Şaran (HDP). Hemşaredarê Hezoyî Ayhan Eren dima HDPyî ra îstîfa kerdbi û tewrê AKPyî bibi.

Hetê bînî ra Amed de zî polîsan eşt keyeyê îdarekarê ÎHDyî yê Amedî Adnan Orhan û îdarekarê MEBYA-DERî Mehmet Nur Savaşî ser. Seba ke Orhan û Savaş ê ke derheqê înan de qerarê destbendkerdişî esto, keyeyanê xo de nêbî nêameyî destbendkerdene.