HPG: Delîla, Kawenda, Sara û Êrîşî rayîrê serkewtişî mojna

HPGyî 4 gerîlayê ke 2018 de şehîd bîyî yad kerdî û vat: ''Delîla, Kawenda, Sara û Êrîşî rayîrê serkewtişî mojna ma û bîyî sembolê xoverdayîşê ma yê fîrazî.''

Merkezê Îrtîbatî û Çapemenîye yê HPGyî 4 gerîlayê ke 2018 de şehîd bîyî yad kerdî. Eşkerayîya HPGyî wina ya:

''30ê teşrîna verêne ya 2018î de bombardumanêkê vera Herêmanê Pawitişî yê Medya de embazê ma Delîla, Kawenda, Sara û Êrîş şehîd bîyî. Delîla, Kawenda, Sara û Êrîşî rayîrê serkewtişî mojna ma û  bîyî sembolê xoverdayîşê ma yê fîrazî.Nasnameyê embazanê ma wina yê:

Embaza ma Delîla şaristanê Makuyî yê Rojhelatê Kurdîstanî de dadîya xo ra bîya û seba pawitişê erdê Kurdîstanî 2007 de tewra gerîlayan bîye. Embaze Delîla wextêkê kilmî ra dima gerîlatîye de xo aver berd û bîya fermandar. Embaze Delîla pêro waran de pêro mesuldarîya xo arde ca û wezîfeyî xo kerdî temmam. Embaze Delîla pê milîtanîya Apogîrîye bîye fermandarêka marîfetîne ya YJA-Starî.

Embaz Kawende Mûş de dadîya xo ra bîye û 2015 de vera polîtîkayanê dewleta tirke tewra gerîlayan bîye. Embaze Kawenda wextêkê kilmî de xo aver berd û pê kesayetê xo yê mutewazî û tewrbîyayîşê xo bîye mazhara heskerdişê embazanê xo. Embaze Kawenda nasnameyê cinîya azade kesayetê xo de mojna.

Embaza ma Sara qezaya Kerboranî ya Mêrdînî de dadîya xo ra bîye û serra 2015î de cuya metropolî û zanîngehî teriknaye, vera asîmîlasyonî tewra gerîlayan bîye. Embaza Sara Gabarî ra heta Metîna û Garê xeylêk waran de têkoşîn kerd û tim xîret kerd ke xo aver bera. Embaze Sara pê kesayetê xo yê qerardarî, musnayoxî û jîrî  hûrmetê embazanê xo tim qezenç kerd.

Embazê ma Êrîş Bedlîs de dadîya xo ra bîyo. Embaz Êrîş wexto ke xebata ciwanan de ca girewtêne xeylê reyî ameyî destbendkerene û vera nê kerdişan o 2017 de tewrê gerîlayan bi. Embaz Êrîş pê felsefeya Rayber Apoyî xo aver berd, sîstemê kapîtalîzmî zêdêr pers kerd. Embaz Êrîş heqê pêro zehmetîyan ra ame û bi taybetî hûrmet û heskerdişê embazan ê cinîyan heq kerd.

Sere de keyeyanê ercîyayeyan ê şehîdanê ma rê, ma pêro şarê welatperwerî yê Kurdîstanî rê serweşîye wazenê. Ma soz danê ma têkoşînê înan pê serkewtişî tacîdar bikerê.

Nameyê Qodî: Kawenda Serhat

Name û Peyname: Kadere Selvi

Cayê Bîyayîşî: Mûş

Maye-Pî: Gulşahe – Abdurrahim

Tarîx û Cayê Şehadetî: 30ê Teşrîna Verêne ya 2018/Herêmê Pawitişî yê Medya

Nameyê Qodî: Eriş Tolhildan Akçıra

Name û Peyname: Bilal Balikçi

Cayê Bîyayîşî: Bedlîs

Maye-Pî: Makbule – Halis

Tarîx û Cayê Şehadetî: 30ê Teşrîna Verêne ya 2018/Herêmê Pawitişî yê Medya

Nameyê Qodî: Sara Savuşka Bozan

Name û Peyname: Kiymete Kaya

Cayê Bîyayîşî: Mêrdîn

Maye-Pî: Selîme – Îsmail

Tarîx û Cayê Şehadetî: 30ê Teşrîna Verêne ya 2018/Herêmê Pawitişî yê Medya

Nameyê Qodî: Delîla Çiya

Name û Peyname: Nezife Bilixkanlu

Cayê Bîyayîşî: Maku

Maye-Pî: Zeynepe – Haci

Tarîx û Cayê Şehadetî: 30ê Teşrîna Verêne ya 2018/Herêmê Pawitişî yê Medya