HPG: Ma embaza xo Dunya Destan bi rêzdarî yad kenê

HPGyî nasnameyê gerîla Sîneme Yusuf (Dunya Destan) a ke Qendîl de hêrişê hewayî yê artêşa tirke de şehîd bîye eşkera kerde.

Merkezê Îrtîbatî û Çapemenîye yê HPGyî derheqê babete de eşkerayîyêka nuştekîye weşanaye.

Eşkerayîye wina ya:

"12ê teşrîna peyêna 2019î de hêrişê hewayî yê artêşa TCyî ya îşxalkere de herêma Qendîlî ya Herêmanê Pawitişî yê Medya de embazê ma Dunya (Sîneme Yusuf) şehîd bîye. Zanayîşê derheqê embazê ma yê Dunya de wina yê:

Nameyê Qodî: Dunya Destan

Name û Peyname: Sîneme Yûsûf

Cayê Bîyayîşî: Dêrik

Maye-Pî: Wedîa-Mehmet Emîn

Tarîx û Cayê Şehadetî: 12ê Teşrîna Peyêna 2019î / Qendîl

Embaza ma Dunya Destan serra 1994î de qezaya Dêrikî ya Rojawanê Kurdîstanî de ameye dinya. Serra 2011î de embaze Dunya tewrê PKKyî bîye û xeta PKKyî de xo perwerde kerd û bi wezîfeyê şorişî werişte ra. Dunya her tim bi eşqêkê pîlî wayîrê wezîfeyanê xo vejîyaye û bîye milîtanêka Apoyî. Berpirsîyarî û wezîfeyê ma yê ke ma xeyalê aye bîyarê ca.

Ma sere de keyeyê ercayeyî yê embazê ma Dunya rê û pêro şarê Kurdîstanî yê welatperwerî tê serweşîye wazenê û soz danê ke ma do alaya azadîye ya şehîdan berz bikerê."