HPGyî şehîdê Wan û Amedî yad kerdî

HPGyî 4 gerîlayê ke teşrîna verêne û peyêne ya 2019î de Wan û Amed de şehîd bîyî yad kerdî û pare kerd ke seba vîrameyîşê şehîdan ê do têkoşînê azadîye her ca de pîl bikerê.

Merkezê Îrtîbatî û Çapemenîye yê HPGyî bi eşkerayîyêke 4 gerîlayê ke teşrîna verêne û peyêne ya 2019î de Wan û Amed de şehîd bîyî yad kerdî.

Eşkerayîye wina ya:

''31ê teşrîna verêne ya 2019î de qezaya Payîzava ya Wanî de wexto ke embazê ma warê Nodikî de wezîfeyê xo ser de bîyî artêşa tirke ya îşxalkere operasyonêk da destpêkerdene. Nê operasyonî de mabênê embazanê ma û artêşa îşxalkere de şerêk vejîya û xeylêk îşxalkerî ameyî cezakerdene. Embazê ma Agîdî bi çêrî şer kerd û şehîd bi. Embazê ma Karkerî zî heta guleyê xo yê peyênî şer kerd û seba ke esîr nêkewo serê xo de bomba teqnaye û şehîd bi.

Zanayîşê derheqê nasnameyê embazanê ma yê şehîdan de wina yê:

Nameyê Qodî: Karker Qewalî

Name û Peyname: Mucahîr Dûman

Cayê Bîyayîşî: Wan

Maye-Pî: Şefîka-Alî

Tarîx û Cayê Şehadetî: 31ê Teşrîna Verêne ya 2019î / Wan

 

Nameyê Qodî: Agît Argeş

Name û Peyname: Agît Agiş

Cayê Bîyayîşî: Wan

Maye-Pî: Besna-Îhsan

Tarîx û Cayê Şehadetî: 31ê Teşrîna Verêne ya  2019î / Wan

Embazanê ma Agît û Karker Wan de dadîya xo ra bîyê û vera planê tasfîyeyî yê dewleta tirke tewrê gerîlayan bîyî. Wird embazanê ma zî vera polîtîkayanê qirkerdişî yê dewleta tirke bi hawayêkê fedayîtî têkoşîn kerd.  Embazanê ma Agît û Karkerî bi têkoşînê xo cewab da persê 'ganî ma senî biciwîyê, senî şer bikerê'Ma soz danê ke ma do têkoşînê demokrasî û azadîye yê embazanê xo Agît û Karkerî bi berpirsîyarî ser bivisnê.

Teşrîna peyêne ya 2019î de embazê ma Zinarîne û Stêrke qezaya Pîranî ya Amedî de warê Şehîd Brûskî de netîceya hêrişêkê hewayî de şehîd bîyî. Şert û mercanê zimistan û şerî ra ma nêeşkabî nasnameyanê embazanê xo eşkera bikerê. Zanayîşê derheqê embazanê ma yê şehîdan de wina yê:

Nameyê Qodî: Zinarîne Kobanî

Name û Peyname: Narîne Oso

Cayê Bîyayîşî: Kobanî

Maye-Pî: Adle-Mûhammed Alî

Tarîx û Cayê Şehadetî: Teşrîna Peyêne ya 2019î / Amed

Nameyê Qodî: Stêrke Darahêni

Name û Peyname: Elîfe Eylem Onkol

Cayê Bîyayîşî: Çewlîg

Maye-Pî: Şefîka-Giyasettîn

Tarîx û Cayê Şehadetî: Teşrîna Peyêne ya 2019î / Amed

Embaza ma Zinarîne Kobanê de dadîya xo ra bîya. Embaze şerê Kobanê yê vera DAÎŞî de cephe de têkoşînê azadîye şinasna û tewra gerîlayan bîye. Zinarîne cuya xo de gamê zixmî eştî û bîye fermandarêka serkêşe. Embaze Zinarîne Vakurê Kurdîstanî de Eyaletê Amedî de têkoşîn kerd û resaye şehadetî.

Embaza ma Stêrke Çewlîg de dadîya xo ra bîye û seba ke dewleta tirke ya qirkere ra qesas bigêra verê xo da koyan. Embaze Stêrke hema ciwanîya xo de gerîlatîya xo aver berde û xo perwerde kerd. Embaza ma Stêrke wexto ke tewra gerîlayan bibî wasîyetê Şêx Seîdî zî ard ke vatêne: 'Wa tornê mi rîyê mi sûr mekerê.' Embaze Stêrke warê Şêx Seîdî de Pîran de şehîd bîye.

Sere de keyeyanê ercîyayeyan ê şehîdanê ma rê ma pêro şarê welatperwerî yê Kurdîstanî rê serweşîye wazenê. Ma soz danê ke ma do rêçê înan de xeyalanê înan bîyarê ca û her ca de têkoşîn pîl bikerê.''