Qilê Koordîne de ters û xofê artêşa Tirkî

Gerîlayê HPG’yî Şervan Amedo ke tewrê çalakîya Qilê Koordîne yê Çelê bîyo ard ziwanê ke leşkerê ke tersî ra bi qîrayîşî qisey kerdêne cayê çalakîye ra remayî.

Gerîlayê HPG’yî Şervan  Amedo ke tewrê çalakîya ke çerçeweya Hemleya Şorişgêre ya Şehîd Bager û Şehîde Ronya de 19’ê Gulane de Qilê Koordîne yê Çelê de vera artêşa Tirkî ameye virştene û 12 leşkerî ameyî kiştene û 10 leşkerî zî birîndar bîyî ,biyo qalê detayanê çalakîye kerde.

Şervan Amedî ard ziwan ke înan çalakîye semedê girewtişê qesasê hemrayanê xo yê şehîdan viraşte û va: ’’Heta ke rayberîya ma ser  tecrîd bibo û şarê ma bêro qirkerdene ma do çalakîyanê xo rê dewam bikerê. Ma di hewteyî hadreyîya na çalakîye kerde. Moralê heme embazan berz bi û ma bi waştişê girewtişê qesasê hemra û şarê xo, xo amade kerd. Ma dişmen girewt binê kontrolî û her gama înan teqîp kerdêne. Seba ke çalakîye serkewte bo heme embazî fedakarîye rê amade bî.’’

Amedî wina dewam kerd: ’’Peynî de  dimayê tetbîqatan heme grûbî wextê çalakîye de ameyî têhet. Fermandaranê ma reya peyêne kombîyayîş viraşt û tecrubeyê xo yê bi serran ma dir pare kerdî. Dimayê kombîyayîşî ma grûbe bi grûbe kewtê rayîr. Goreyê plankerdişî ma do mewzîyê Qilê Koordîne yo ke herêma Bagerî de yo, îmha bikerê. Di grûbî do di hetan ra bidê piro, di grûbî zî nê grûban bipawê. Ma verî kamerayê termale yê ke dişmenî binê qilî de ca kerdî, bi teknîkê gerîlayî bêtesîr kerdî. Gama ke ma mewzîyanê leşkeran ra bîyî nêzdî vengê qîrayîşê înan ameyêne. Yewbînan de bi qirayîşî qisey kerdêne. No zî tersê înan ramojnayêne. Seba ke tersê xo yewbînan ra binimnî qîrayêne.’’

Şervan Amedî derheqê detayanê çalkaye de nê vatî: ’’Ma hedî hedî heta binê mewzîyan ameyî. Leşkerêk hesîya ma û çalakî dest pêkerde. Vengê qîrayîşê leşkeran û sîlehan têmîyan de berz biyêne.  Ma da mewzîyan ro û kewtê qil. Ma semedê wardayîşê qilî leşkeri zî semedê remayîşî şer kerdêne. Embazî kewtî xeylî mewzîyan û şîyî meyîtanê leşkeran ser. Tena yew di mewzîyî mendîbî û leşkerî remayêne. Embazan hende ke nişka dabi piro tayî leşkerî nêrasayîbî sîlehenê xo. Çalakîya ma ya bi 15 deqeyan qedîyaye, 20 deqeyî dime ra teyareyanê şerî derûdorê cayê çalaki bombardûman kerd. Nêzdîyê mewzîyanê leşkeran zî ser o bombayî varnayî. Beno ke înan dayo mewzîyanê xo rê zî. Seke ma pratîkanê verênan ra zî zanê seba ke yew embazî şehîd bikerê, danê leşkeranê xo ro zî. Gama ke artêşa Tirkî derûdor û leşkerê xo bobardûman kerdêne, ma resayîbî cayanê biasayîşan.’’