Rayraşîyayîşê Lozan-Cenevre roja dîyine de yo

Rayraşîyayîşê Yewîya Neteweyîye ya Kurdan yê Lozan-Cenevre roja dîyine de bajarê Cenevre yê Swîsre de dest pêkerd.

Rayrşîyayîşê Yewîya Neteweyîye ya Kurdan yê Lozan-Cenevre roja 2ine de bajarê Cenevre yê Swîsre de dest pêkerd.

4 parçeyanê Kurdîstanî ra sîyasetmedar, nuştox, hunermend, rojnameger, akedemîsyen û temsîlkarê dezgeh û partîyanê sîyasîyan ra 100 ra zafêr kesî rayraşîyayîşî de ca gênê. Rayraşîyayîşo ke  Lozan ra verbi Cenevre yeno viraştene de bale yeno antenê hêrişanê dewleta tirke yê vera kurdan ser. Reyna semedê yewîya kurdan yeno vengdayenê û hêzanê mîyanneteweyî ra yeno waştene ke vera heriş û îşxalê dewleta tirke yê vera kurdan bêveng memanê.

Rayraşîyayîş vizêr bajarê Renensî yê Swîsre de qedîya û bi tewrbîyayîşê  çalakgeran panelê yewîya neteweyî ame viraştene. Bado zî konserêk ame organîzekerdene. Heme hunermendê kurdan ê ke rayraşîyayîş de ca gênê yew fekî ra Marşê Herne Peşî va.

Rayraşîyoşo ke ewro Cenevre de dest pêkerd verbi Ofîsê Neteweyê Yewbîyayeyî (NY) yeno viraştene.