Nicky Cvane serra 1943 de dewa Dunley a pabesteya qezaya Srourport a Severnî de amîya dinya. Cvane dewa Dunleyî de bîye pîle û bi serran dêrê dewe de perwerde da kesanê astengdaran û înan dir eleqedar bîye. Cvane, destpêkê serra 2015’î de amî Amed û xeylî nê bajarê qedîmî ra hes kerdo. Cvane vana aye bîya aşiqa Amedî û cayêkê taybetî yê Amedî aye het de esto. Cvane ard ziwan ke dimayê 4 serran bi waştişê mûsayîşê ziwanê Kurdkî amîya Amed û vat, wextêko derg o aye Mucadeleyê Azadîya Şarê Kurdî nas kena û tim seba Kurdan duayan kena.

‘Ez Zerrîdarê Mucadeleyê Kuran a’

Cvane da zanayene ke seba Kurdkî bimûso û kulturê Kurdewarî wekeno amîya Kurdistan. Cvane vat aye çende bajarê Kurdistanî de gêraya, hende ci ra hes kerdo û vat, “Kurdistan cayêko zaf xasek û dewlemend o. No erdo pîroz xeylî kultur û bawerîyan rê waretî keno. Ez seba ke ziwanê Kurdkî bi hawayêkê rindî û kokê ci de bimûsî bajaranê sey Amed, Mêrdîn, Şirnex, Betlîs û Wan de gêraya. Geyrê min ê nê bajaran de ez zaf çîyan mûsaya. Ziwan û kulturê Kurdan xeylî dewlemend o, merdim çende gêreno çîyanê neweyan mûseno. Kurdî merdimê baş ê û meymanperwer ê. Ez sere de 2015 de amîya Amed û tîya ra xeylî mutesîr bîya. Ez zerrîdarê mucadeleyê azadîya Kurdan a. Ez timî seba Kurdan duayan kena.”