Artêşa tirke Wan de domanêko multecî qetil kerd -Newe Bîye

Dewa Karahîsarî ya qezaya Serayî ya Wanî de leşker û qoricîyan wesayîtêkê multecîyî kiriştêne ser o guleyî varnayî. Netîceya hêrişî de domanêk ame qetilkerdene û 13 kesî birîndar bîyî.

Dewa Karahîsarî ya qezaya Serayî  ya Wanî de qoricîyan wesayîtêkê multecîyê afganî kiriştêne ser o guleyî varnayî. Netîceya hêrişî de domanêko 4 serre ame qetilkerdene û 13 kesî birîndar bîyî.

Goreyê zanayîşanê ke hetê dewijan ra ameyî girewtene weyasîtê ke multecîyî kiriştêne gama ke taxa Karahîsarî ra ravêrtêne leşkeran waşt ey vindarnê la nêvindet. Naye sero leşker û qoricîyan ey ser o guleyî varnayî. Netîceya hêrişî de domanêko 4 serre ame qetilkerdene û 13 kesî birîndar bîyî. 22 multecîyê bînê ke wesayît de bî remayî û warî ra kewtî dûrî. Birîndarî ameyî berdenê Nêweşxaneyê Dewlete yê Qelqeliya û cenazaya domanî zî ameye berdene morgê nêweşxaneyî.

Walîtîya Wanî ke derheqê hêrişî de eşkerayîye daye îdîa kerd ke leşkeran gule eşto gogerê wesayîtî la xeletîye ra îsabetê domenî kerdo.