Wan de taxêke û 2 mezrayî gerîyayî binê karantîna

Taxa Esenyamaçî ya qezaya Elbakî û mezrayê Çemikî û Tellîkaya yê qezaya Şaxî yê Wanî gerîyayî binê karantîna.

Taxa Esenyamaçî ya qezaya Elbakî û mezrayê Çemikî û Tellîkaya yê qezaya Şaxî yê Wanî vizêr şan vîrusê Korona ra gerîyayî binê karantîna.

Testê hemwelatîyo/a ke Îstanbulî ra ame/ye taxa Esenyamaçî û nêweş kewt, pozîtîf vejîya. Serebûtî ra dima dormeyê taxe ame girewtene û taxe visîyaye binê karantîna.

Qezaya Şaxî ya Wanî de zî mezrayê Tellîkaya û Çemik dima ke Tellîkaya de hemwelatîyêk/e de vîrusê Korona ame tesbîtkerdene visîyayî binê karantîna. 

Hetê bînî ra taxa Xanî ya qezaya Ebexî ya Wanî zî 27ê adare ra nata binê karantîna de ya.