Rixmê bira Mehkemeya Qanûnê Bingeyînî (MQB) zî îqtîdarê AKP-MHPyî qedexe kerdbi ke 1ê Gulane Meydanê Taksîmî de bêro fîrazkerdene.

Rixmê pêro qedexeyanê îqtîdarê AKP-MHPyî zî karkerî xo amade kenê ke bikewê meydanê Taksîmî. Sendîka û muxalefet bira qedexeyî nêşinasnenê û do Saraçhane de kom bibê ke şorê Taksîmî. Kuçe û cadeyan de destûr nêdîyeno ke wesayîtî zî park bikerê. Wesayîtê parkerdeyî Taksîm, Şîşhane, Kabataş, Mecîdiyekoy, Şîşlî, Saraçhane, Qada Beşîktaş û Dolmabahçe  ameyî wedaritene. Pêro rayîrê ke şorê Îstîklal û Taksîmî bi barîyeran ameyî qefilnayene.

Hetê bînî ra Beşîktaş, Beyoglû, Şîşlî, Fatîh û Kadikoy de konteynirê çopî, madeyê sey kerrayan zî wedarîyayî. Nê cayan de destûr nêdîyeno ke wesayît û personelê şaredarîye zî vinderê.