Vera biranê Dewaya Kumpasî ya Kobanê nêrazîbîyayîşî dewam kenê. Derheqê babete de Komeleya Huqûqnasanê Modernan (ÇHD) ra Çîgdeme Akbulut, Îdarekarê Nobetanê Edaletî Kemal Aytaşî û Endamê Komeleya Huqûqnasan a Seba Azadîye (OHD) Sînan Zîncîrî ANFyî rê qisey kerd.

Sereka ÇHDyî ya Îstanbulî Çîgdeme ard ziwan ke birê Dewaya Kobanê hetê huqûqî ra wayîrê yew meşrûtîyetî nîyê û vat: ''Bi nê cezayan mesajê 'Ma do hêrişanê xo yê têkoşînê estbîyayîşî yê şarê kurdî rê dewam bikerê. Şarê kurdî teyna verbidê.' La sîyasetmedarê ke ameyê muhakemekerdene nê biran ra nêtersayî û tim pê têkoşînî bawer bîyî. Coka cezayê ke dîyayê înan do nêeşkê verê têkoşînê sîyasetmedaran bigêrê. Şarê kurdî têkoşînê xo de teyna nîyo.''

Kemal Aytaşî pare kerd ke bi biranê Dewaya Kobanê sîyasetê kurdan ameyo cezakerdene. Aytaçî vat: ''Na dewa qetî huqûqî nêbîya. Yew îsbatê sûcan çin o. Bi nê biran xîret yeno kerdene ke vera têkoşînê kurdan darbe bêra kerdene û muxalîfan rê mesajê 'Vengê xo bibirnê' bêro dayene.''

Sînan Sîncîrî dîyar kerd ke birê dewa seba hêvîya haştîya şaran û ameyoxî darbêka girane bîyê û vat: ''Selahattîn Demîrtaş û Fîgene Yuksekdag sey Seyîd Riza û Şêx Seîdî teslîm nêbîyî. Seke Fîgene Yuksekdag vatbi ke şarê xoverdayoxî, şarê kurdî û sosyalîstî do qiseyê peyênî vajê. Ameyox ê ma yo.''