Seba eşkerayîya gerîlayan warê mîyanneteweyîyî ra eleqeyêko pîl

Seba eşkerayîya hêzanê gerîlayan a serê prosesî asta mîyanneteweyîye de eleqeyêko pîl est o.

EŞKERAYÎYA GERÎLAYAN

Vengdayîşê Haştîye û Komelê Demokratîkî ser o seba ke nîyetê xo yê beşdarîya prosesî eşkera bikera Rayber Apoyî de komêka gerîlayan do şaristanê Silêmanî yê Başûrê Kurdîstanî de eşkerayîyêke bida û dima çekanê  xo teslîm bikera.

Goreyê agahîyan DEM Partî sey komêka 15-20 kesan a ke aktîvîstanê heqanê merdiman, partîyan, temsîlkaranê rêxistinanê komelê sivîlî û rojnamegeran ra yena pê do tewrê merasîmî biba.

Dîya zanayene ke rojnamegerê ke wazenê merasîmî teqîb bikerê do muracat bikerê. Na eşkerayîya DEM Partî ra dima xeylê dezgehanê çapemenîye yê herêmî, neteweyî û mîyanneteweyîyan ra muracatî ameyî kerdene.

Goreyê DEM Partî heta nika tewr tay 100 rojnamegeran muracat kerdo.