Federasyonê Kurdîstanijanê Azadan ê Almanyaya Rojhelatî (FED-KURD) bi eşkerayîyêke vera teda û polîtîkayanê krîmînalîzekerdişî yê vera sîyasetmedar, rojnameger û çalakîkeranê kurdan ê Almanya tewirê xo mojna. 

Eşkerayîye de dîya zanayene ke sîyasetmedar, aktîvîst û rojnamegerê kurdê ke Almanya de ciwîyenê bi bahaneya madeya 129b ya Qanûnê Ceza yenê krîmînalîzekerdene. FED-KURDî îfade kerd ke Almanya waştişê Tirkîya ser o nê kesan tim sînorî ra teber kena û bi nê hawayî heqanê merdiman û erjanê demokratîkan zî binpay kena.

FED-KURDî vat: ‘’Ewro şarê kurdî û temsîlkarê înan nasnameyê xo ra bi sûcdarîya ‘terorîzmî’ yenê krîmînalîzekerdene. Gelo dewleta Almanya do bieşka asayîşê cuye û garantîya qanûnî ya multecîyanê kurdan bîyara ca? Ma qebul nêkenê ke sîyasetmedar Mehmet Çakas teslîmê Tirkîya bêro kerdene.

Ma venga pêro dewletanê Ewropa, bi taybetî venga Almanya danê ke goreyê qanûnan, heqanê merdiman û erjanê demokratîkan têbigêrê û peynîya polîtîkayanê krîmînalîzekerdişî bîyarê.’’