Serekwekîla Koma DEM Partî Gulîstane Kiliç Koçyîgît seba wedarîyayîşê tecrîdê Îmraliyî muracatê Serekîya Komîsyonê Cigêrayîşê Heqanê Merdiman ê Meclîsî (ÎHÎK) kerdbî. Gulîstane kombîyayîşê pêroyî yê Meclîsî de qisey kerd.

Gulîstane dîyar kerd ke Îmrali de tecrîdêko giran û îlegal yeno caardene û vat: ''Wezîrîye cewabê xo de ma rê vat ke seba ke qalê tecrîdî bikerê ganî tepişteyî pêvînayîşan ra dûrî bo. Îmrali de pêvînayîşê keye û avûkatan qedexe nîyo? Çira keye û avûkatî nêeşkenê şorê Îmraliyî?

Îmrali de qet yew mekanîzmaya kontrolkerdişî ya xosere çin a. CPT şino Îmrali, rapor amade keno la raporê xo eşkera nêkeno. Ma persenê; Îmrali de çi qewimîyeno? Şima çita nimnenê? Ganî îqtîdar cewabê nînan bido. Îmrali de îşkence est o. Wa her kes vera ney vengê xo vejo.''