Dewaya Kobanê sey dafikêka îqtîdarî ya vera HDPyî bi bahaneya çalakîyanê 6-8ê teşrîna verêne ya 2014î vera hêrişanê DAÎŞî yê serê Kobanê amebî akerdene.

Hemserekê HDPyî yê verênî Fîgene Yuksekdag û Selahattîn Demîrtaş zî tede 18ê ci tepişteyî 108 kesî dewa de yenê muhakamekerdene.

Roniştişê dewa Zîndanê Sîncanî de do bêro kerdene. Hemserekê DEM Partî Tulaye Hatîmogullari û Tuncer Bakirhan zî do dewrê mehkeme bibê.

Wina pawîyeno ke sîyasetmdarê tepişteyî do tewrê roniştişî nêbê. Nameyê sîyasetmedaranê tepişteyan wina yê:

“Fîgen Yuksekdag, Selahattîn Demîrtaş, Alî Urkut, Gunay Kûbîlay, Nazmî Gur, Îsmaîl Şengul, Bulent Parmaksiz, Alp Altinors, Sebahat Tûncel, Zeynep Karaman, Zeynep Olbecî, Aynûr Aşan, Ayşe Yagci, Ayla Akat Ata, Dîlek Yagli, Pervî Odûncû, Meryem Adibellî, Gultn Kişanak.''