Platformê Dezgehanê Demokratîkan vera destsernayîşê îradeyê Esenyurtî veng da ke waran de vengê demokrasî û edaletî bi xoverdayîşê demokratîkî bêro pîlkerdene. Heyetê Rayberdişê Merkezî yê DEM Partî zî seba xoverdayîşî veng da.
Platformê Dezgehanê Demokratîkan derheqê tepişîyayîşê Şaredarê Esenyurtî Ahmet Ozerî û destsernayîşê îradeyê şarê Esenyurtî de eşkerayîyêka nuştekîye daye.
Eşkerayîye de ame parekerdene ke îdîayê vera Ahmet Ozerî pûç, kêfî û bêhukm ê. Platformî vat: ''Îqtîdar îradeyê şarî nêşinasneno. Îqtîdarê AKP-MHPyî netîceyê weçînayîşanê 31ê Adare qebul nêkerdî û hêverî Colemêrg de qeyûm tayîn kerd. Ganî xoverdayîş û têkoşînê Wanî û Colemêrgî nika zî Esenyurtî de xo bimojnê ra û xurt bibê. Ma vera înkar, asîmîlasyon, tecrîd û destsernayîşê îradeyî xoverdayîşê demokratîkî pîlêr bikerê.''
Tepişîyayîşê Ozerî ra dima Heyetê Rayberdişê Merkezî (MYK) yê DEM Partî zî do Îstanbul de kom bibo. Kombîyayîş do bînaya DEM Partî ya Esenyurtî de bêro kerdene û dima eşkerayîye bêra dayene.
Endamê MYKyî, Koma Meclîsî û rêxistinê şaristan û qezayan do saete 16.00 de beşdarê eşkerayîya Şaredarîya Esenyurtî bibê. DEM Partî venga pêro rêxistinanê xo yê Îstanbulî da
DEM Partî venga pêro merdiman da ke vera ''destsernayîşî' çalakîyanê protestoyan bikerê.
