Heyeto ke serkêşîya Platformê Haştîye û Azadîye yê Ewropa (EFFP) de 39 kesan ra yeno pê Buroyê Huqûqî yê Asrînî rê pare kerd ke ê wazenê Rayber Apoyî bivînê. Heyetî waştişnameyê xo teslîmê buroyî kerd.

Heyet çarçewa kampanyaya ‘’Ez wazena Abdullah Ocalanî bivîna’’ de ame Tirkîya.

Avûkatanê Asrinî ra Îbrahîm Bîlmezî heyetî rê sipas kerd û vist vîrî ke Rayber Apo 1999 ra nata Zîndanê Îmraliyî de binê tecrîdêkê giranî de yo. Bîlmezî vat: ‘’Ganî seba çareserîye ma sebr bikerê, bixebitê û paştî bidê yewbînan.’’

Nameyê heyetî ser o wekîlê îtalyanî Francesca Cerasaniyî vat: ‘’Ma seba ke paştî bidê Ocalanî û şarê kurdî tîya de yê. Ma wina hêvî kenê ke no xîret do pîlêr bibo.’’