Komîteya Huner û Kulturî ya PKKyî  Hozene Mîzgîne (Gurbete Aydin) ya ke 11ê gulana 1992yî de şehîd bîye, yad kerd û nê vatî:

“Ma şexsê fermandara gerîlayan a bêmerge hemra Mizgîne de ya ke sembola rindîye û serkewtişî ya, şehîdanê menga gulane bi rêzdarî yad kenê. Ma serrgêra şehadete 32. yê hemra Mîzgîne de reyna wazenê bifînê vîrî ke 11ê gulane eynî wextî de roja şehîdanê têgêrayîşê kultur-hunerî ya.

Vera qirkerdişê wehşîyî yê vera şarê kurdî Rayber Apoyî têkoşîno tewr pîl yê tarîxî da destpêkerdene. Pîya bi nê têkoşînî kultur û hunerê kurdan zî resa merhaleya şorişgêre û şarê ma sere de bi şarê gerîlayan her hetî ra wayîrê erjanê xo vejîya û şerê pawitişê estbîyayîşê xo û azadîya xo heta ewro ard. Hemra Mîzgîna ke bi huner û çeka xo nê şerê têkoşînî rê serkêşîye kerde, xeta kultur û hunerî bewlî kerd ke ewro zî yena teqîpkerdene. Seba ke têkoşînê vera qirkerdişî ser bikewo têkoşîn kerd û her gama xo goreyê nê eşte. Sere de fermandaro pîl Egîd tewirê xo yê welatperwerîye ye semedê şehîdan mojna ra û bi veng û ruhê xo yê bêhempa hîsê xo ardî ziwan. Badê şahadetê ci nameyê ci dîya domananê kurdan û ciwanî bi vengê aye tewrê refanê gerîlayan bîyî.

Heta ke vera qirkerdişê vera kurdan şerê gerîlayan mero dayene ziwan, edebiyat û hunerê kurdan nêeşkeno bêro ciwîyayene. Na raştîye ganî bêro vînayene û sere de hemra Mizgîne bi hezaran şehîdan rê hurmet bêro kerdene. Na çarçewa de ganî her kes wayîrê ziwan, kultur û hunerê xo bivejîyo. Hemra Mizgîne vera sîstemê kapîtalîstî bi pratîkê xo de cuya alternatife mojna. Hemra Mizgîne 1981 tewrê  têkoşînî bîye û 1992 de şehîde bîye. Nê demî hem bi huner û hem zî bi şerê xo PKK temsîl kerd. Aye her çîya ver îdeolojîya cinîya azade temsîl kerd û huner û şer resnayî pê. Serekwtiş bi têkoşînî beno. Ma çarçewaya hemleya Rayber Apoyî rê azadîye û meseleya kurdan rê çareserîya sîyasîyî de têkoşînî xurtêr bikerê. Ma reyna şexsê hemra Mizgîne de şehîdanê xo yad kenê û soz danê ke ma do waştişê înan bîyarê ca.”