HPGyî nasnameyê 3 şehîdan eşkera kerdî
HPGyî nasnameyê 3 şehîdan eşkera kerdî û vat: ''Embazê ma yê ke bi şehadetê xo ma rê bîyê sebebê pîlkerdişê têkoşînî, ma nînan bi rêz û heskerdişî yad kenê. Ma soz danê ke perwerê vîrameyîşê şehîdanê xo bibê.''
NASNAMEYÊ ŞEHÎDAN
Merkezê Îrtîbatî û Çapemenîye yê HPGyî nasnameyê 3 şehîdan eşkera kerdî. Eşkerayîye wina ya:
''Hezîrana 2023yî de hêrişanê dişmenî yê vera Herêmanê Pawitişî yê Medya de milîtanê Apogîrî yê ercîyayeyî embazê ma Kurtay, Mervan û Zinar şehîd bîyî. Embazê ma yê ke bi şehadetê xo ma rê bîyê sebebê pîlkerdişê têkoşînî, ma nînan bi rêz û heskerdişî yad kenê. Ma soz danê ke perwerê vîrameyîşê şehîdanê xo bibê.
Ma sere de keyeyanê embazan Kurtay, Mervan û Zinarî yê ercîyayeyan rê pêro şarê Kurdîstanî yê welatperwerî rê serweşîye wazenê.
Nasnameyê embazanê ma yê şehîdan wina yê:
|
|
Nameyê Qodî: Kurtay Batman Name û Peyname: Nusret Demîr Cayê Bîyayîşî: Êlih Maye-Pî: Cemîle – Mehmet Salîh Tarîx û Cayê Şehadetî: Hezîrana 2023yî / Herêmê Pawitişî yê Medya |
|
|
Nameyê Qodî: Mervan Hîzan Name û Peyname: Serhat Tagay Cayê Bîyayîşî: Bedlîs Maye-Pî: Halîme – Akîf Tarîx û Cayê Şehadetî: Hezîrana 2023yî / Herêmê Pawitişî yê Medya |
|
|
Nameyê Qodî: Zinar Raperîn Name û Peyname: Muhammed Hacî Cayê Bîyayîşî: Kobanê Maye-Pî: Emira – Mahmud Tarîx û Cayê Şehadetî: Hezîrana 2023yî / Herêmê Pawitişî yê Medya |
Embazê ma Kurtay Êlih de dadîya xo ra beno. O 2014 de verê xo dano koyan û Herêmanê Pawitişî yê Medya de perwerde vîneno. O xeylêk waranê Herêmanê Pawitişî yê Medya de erk keno û pratîkêkê serkewteyî mojneno. Embazê ma bi taybetî Avaşîn de derbanê giranan dano artêşa tirke ya îşxalkere û kedêka pîle dano têkoşînî. O heta ke tewrê karwanê şehîdan beno bê mabên têkoşîn keno.
Embazê ma Mervan Bedlîs de dadîya xo ra beno. O hêverî xebatanê ciwanan de cagêno û 2015 de verê xo dano koyanê Kurdîstanî. O Herêmanê Pawitişî yê Medya de perwerde vîneno. Embazê ma Mervan waranê milîtanî û îdeolojîkan de xo aver beno. Embazê ma Mervan tim xeta Apogîre teqîb keno û bi taybetmendîyanê xo pêro embazanê xo rê beno nimûne.
Embazê ma Zinar Reqa de dadîya xo ra beno. O wextê Xoverdayîşê Kobanê de keweno cigêrayîşan pey û 2017 de bi qerardarî verê xo dano koyan. O Herêmanê Pawitişî yê Medya de perwerde vîneno. O wextêkê kilmî de beno gerîlayêko pispor. O tewrê xeylêk çalakîyanê serkewteyan beno û beno layîqê mîrasê şehîdan. O tim beno perwerê xeta şehîdan û Rayber Apoyî.''
