Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.

Eşekrayîya HPGyî de nê ameyî parekerdene:

''14ê nîsane de gerîlayan warê Dadarê yê qezaya Silopî ya Şirnexî de vera artêşa tirkî çalakîyêka sabotajî viraşte. Çalakîya vera qereqolêkê ke newe yeno viraştene ameye viraştene de kontrayêk ame kiştene û xeylêk leşkerî birîndar bîyî. Yewîya ma ya ke çalakîye viraşte weş û war resaye waranê xo yê baregehî.

14ê nîsane de teyarayanê şerî yê dewleta tirke dewê Tepê Hiwa, Tepê Şêx Nasir, Kozînê û Bêpalan û qirreka Zine Wertê yê ke pabesteyê Qendîlî yê bombardûman kerdî. Eynî roje cemê şanî qirreka Sinînê û Goşinê yê pabesteyê Xakurkê ameyî bombardûmankerdene. Nê hêrişan de vînîbîyayeyê ma çîn ê.''