Cenazaya şerwanê QSDyî Rojhat Dêriko ke 22yê nîsane de şehîd  bibi, Goristanê Şehîd Xebat Dêrikî de ameye definkerdene. Bi seyan kesî tewrê merasîmê definkerdişî bîyî.

Girseyî cenaza Nêweşxaneyê Wetenî yê Dêrikî ra girewte û berde Goristanê Şehîd Xebat Dêrikî. Tîya de şerwanê QSDyî Xalid Mihemedî qisey kerd û vat ke ê do tim rêçê şehîdan de şorê û xo ver bidê.

Dima şehîdnameyê Dêrikî teslîmê keyeyê ey ame kerdene.