Asayîşê taxanê Eşrefîyê û Şêxmeqsûdî yê Helebî hetê roniştoxanê taxe ra binê esasê xopawitişî de yeno caardene.

Roniştoxanê taxe derheqê babete de ANFyî rê qisey kerd.

Fatma Mihemed (43) pare kerd ke xopawitiş erk û mesuldarîyê înan ê esas ê û vat: ''Eke ma asayîşê taxa xo nêarê ca asayîşê erdê xo zî nêeşkenê bîyarê ca. Xopawitiş bi hişmendîye beno. Seba ke xopawitişê ma xurt o, Şêxmeqsûd kelaya xoverdayîşî ya. Sey şarî ma xopawitiş aver berd û cergî bin vistî. Cinîyî tîya de zî serkêşîye kenê.''

Loqman Qadir Hisên (50) vat: ''Pêro kurdî ganî kuçe, tax û keyeyê xo bipawê. Xopawitişo rêxistinkerde şert o. Ma eşkenê bi rêxistinîya xopawitişî kuçeyanê xo bipawê, verê polîtîkayanê şerê taybetî bigêrê.''

Şîrîne Xişman (33) vat: ''Ma xoverdayîşê Şêxmeqsûdî de girîngîya xopawitişî dîye. Xopawitiş awe û nanî ra hîna girîng ê. Cinîyî bi averberdişê xopawitişî ameyoxê komelî înşa kenê. Şerê Şarî yê Şorişgêrî ra nêbîyêne ma ewro tîya de nêbîyêne.

Wehîd Elî sebrîyî vat: ''Bê destekî ma pawitişê xo anê ca. Ma hêzê xo yewbînan ra gêbê. Ma mabênê saetanê 20.00 û 05.00 de dewrîye kenê. Xopawitiş erkê ma yo.''