Têgêrayîşê Ciwananê Şorişgêran ê Sûrîye û Yewîya Cinîyan ê Ciwanan ê Dirbêsîyê seba azadîya Rayber Apoyî rayraşîyayîşêk kerd. Rayraşîyayîş de pankarta ‘’Bi ruhê ciwan û cinîyan ma do azadîya Rayber Apoyî bîyarê ca’’ û fotografê Rayber Apoyî ameyî akerdene.

Dima girseyî mîtîngêk kerd. Mîtîng de Endama Înîsîyatîfê ‘Abdullah Ocalanî rê Azadîye’ Silava Simo qisey kerd û vat ke seba ke prosesê haştîye û komelê demokratîkî ser bikewo ganî Rayber Apo azad bibo.

Lîlave Hecî zî ard ziwan ke rayîrê çareserîya meseleya kurdan azadîya Rayber Apoyî ra derbaz beno.

Çalakîye bi slogananê sey "Bê Serok Jiyan Nabe" qedîyaye.