Mehmet Emîn Çam (73) tepişteyo nêweş o ke Zîndanê Batmanî de tepişîyeno. Çam de xeylê nêweşîyê kronîkî est ê, felç bîyo û di reyî o krîzê qelbî bîyo la rixmê ney zî bi raporê ATKyî o vera nêdîyeno.

Kênaya ey Şîmele Çam bira ATKyî ajansê ma rê ercnaye. Şîmele îfade kerd ke ê bi Paketa Hukmî ya Desine hêvîdar bîyê la pawitişê înan betal mendo. Şîmele vat: ‘’Ma verê bire de mat mendî. Ma ancî fam kerd ke ganî dewlete û sîstemî ra ma çîyêkî mepawê.

Raporê ATKyî de seba babîyê mi vajîyeno ke ‘Emrê ey zêde nîyo, nêweşîyê ci eşkenê zîndan de bêrê dermankerdene. Ganî îlahîm babîyê mi verê mergî de vera bidîyo? Ez hinî wijdan û sondê înan persena. 

Sey merdimanê tepişteyanê nêweşan ma hinî nêwazenê ke merdimî zîndanan de bimirê. Zîndanî cayê weşîye û asayîşî nîyê. Ganî îqtîdar cade têbigêro, gamêka zelale bierzo û qanûnê înfazî bi hawayêkê têdûştî bîyaro ca.’’