Aktîvîst û nuştoxo  amerîkayij Debbie Bookchin, wezîro verên ê Îzlanda Ogmundur Jonasson û muzîsyeno amerîkayij  Quincy Saulî programêkê taybetî yê Medya Haber TVyî de vengdayîşê Haştîye û Komelê Demokratîkî yê Rayber Apoyî yê 27 sibate erjna.

Debbie Bookchinî ard ziwan ke Rayber Apo bi serran o derheqê haştîye de fîkranê xo zelal ano ziwan û vat vengdayîşê Rayber Apoyî zaf erjîyaye yo û wextêkê zaf krîtîk de ame kerdene.Debbie Bookchin vat, “Qet çew nêeşkeno paradîgmaya haştîye sey Ocalanî bifîno meydan. Gerek hinî her kes semedê haştîye bi samîmîyetî game bierzo. Gerek hinî qiseykerdişî ra wet gamêke bêro eştene, bêro têgêrayene. Planê Ocalanî eşkena pêro Rojhelatê Mîyanênî biresno îstîkrarî. Amerdîka û rojawan gerek paştî bidê nê prosesî.”

Ogumundur Jonassonî zî Rayber Apo sey şiqê tarîyî name kerd û vat nê vengdayîşî mesajo global da pêro dinya. Jonassonî  bale ante paştdayîşê globalî yê semedê vatişanê Rayber Apoyî ser û vat çîyo ke destê ci ra yeno keno û semedê paştdayîşî veng da. Jonassonî ard ziwan ke gerek Tirkîya cewabê vengdayîşî bido û vat berpirsîyarîye têna Tirkîya nîya, pêro dinya berpirsîyar a. Jonassonî vat gerek semedê muzakeran şiro Tirkîya ser û paştî bidîyo vengdayîşê haştîye.

Quincy Saulî ard ziwan ke o bi serran o kitabanê Rayber Apoyî waneno û vat hêzê ey mesajanê ci ra yeno vînayene. Saulî ard ziwan ke kurdî semedê pêro dinya de mîyanê têgêrayîşanê paştdayîşê neteweyî de çimeyê îlhamî yê û vat," Seba ke nê kitabanê bêhempayan nuseno îlham dano pêrune.  No têna entelektuel nîyo, sey metafîzîkî, serkewtişo mîstîk o. Ez ey se şorişgêrêkê mîsîtkî vînena.”