Rojava de emserr projeyê hîrêyin ê “Zarhunerê Hamnanî” ame viraştene.  Domanî bi huner nasnameyê xo nas kenê û hetê sosyalî ra aver şonê.  Projê bi 15 domanî dest pêkerd û perwerdeyî tîyatroyî ame dayene. Par Derîk de qasê 200 domanî rê qursê tîyatro, resîm û muzîk ameyî dayene. Emserr zî armanc qasê 1000 domanî rê qurs bêro akerdene. 

Projeyê “Zarhunera Hamnanî” ke emser beno hîrê reyî yeno viraştene. Proje de bi ardimê huner nasname musnena domanan û hetê sosyalî ra înan aver bena. Bi serekîya TEV-ÇAND Mezopotamya û Şanoya Çîya de no proje ameyo viraştene. No proje bi ardime komeleya Fontî Dî Pace ke merkezê ci Îtalya der o, Şaredarîya Durango û Suargî Elkartea ke herêma Bask de destek dana projeyanê komelkîyan ame viraştene. 

Koordînatorê Projeyî Ekîn Ronî vat ke “domanî bi huner benê girdî. Hem kulturê xo musene hem de hetê sosyalî ra aver şonê.”

 

3 Serrî naye ra ver destpêkerd

No proje hîrê serrî naye ra ver 2023 de bi 150 domanan destpêkerd. Proje de perwerdeyî tîyatro ame dayene. Par Derîk de qasê 200 domanî rê qursê tîyatro, resîm û muzîk ameyî dayene. Emserr no proje hîna aver şî û yeno waştene ke mîyanê 7-14 qasê 1000 domanî rê qursî bêre akerdene. Ronî ard ziwan ke: “Ma wazenê ke her çiqas îmkananê kêm bibê zî ma bi tecrubeya nê di serran xebatanê dahîna hîra bikerê”.

 

Rindekîye û Zanist bimusê

Sloganê emserrî, vateyê Serekê Şarê Kurd Abdullah Ocalanî “Momanî rindekîye û zanist bimusê” ra ameyo îlhamgirewtene. Slogan sey “Ma xo bimusnê findekîye û zanist” ame qebulkerdene. Ronî ard ziwan ke domanî bi xo dima şîîra Ocalan’î nê sloganî qebul kerd. 

 

Perwedeyê zaf ziwanî û zaf merkezî 

Qursî Hezîrane de destpêkerdî û hetanî mîyanê tebaxe do dewam bikerê. Perwerdeyî Dêrîk, Kobane, Qamişlo, Dewa Gir Bawî, Tîl Koçer, Sirîn, Cizîre û Êyn Îsa de yenê dayene. Pêro pîya 15 perwerdekarî hem bi kurdkî hem kî bi erebkî dersan danê. 

 

Merkezê Perwerdeyî nê yê:

* Dêrik de Kampê Serêkaniye Merkezê Kultur ê Dêrikî 

* Rimêlan de Aram Tîgran û Herema Koçera de Merkezê Kultur ê Parqîn

* Qamişlo de seba domananê koçkerdox ê Efrîn xebatî 

* Til Koçer, Sirîn ve Êyn Îsa de seba domananê Ereb perwerdeyî

 

Bi huner qabîlîyetê sosyalî virazînê 

Perwedeyî teyna qursanê wexto kilman de ney, sey mekteba tam wext yenê dayene. Babetê dersan de tîyatro, muzîk, rîtîm û govend est ê. Bi no qayde hem ziwanê dayikê yeno musnayene hem kî perwerdeyêde zaf kulturî yeno dayene. 

Hetê bînî ra zî bi xezê fîlm, tîyatroyê kukla û konseran domanî kay kenê û keyf kenê. Ronî vard ziwan ke: “Bi huner domanî nê qursan de beşdarbîyayîşê ciwîyayîşî, berpirsîyarîye girewtiş û qebîlîyetanê sosyal zî musenê.”

 

Keyeyî zî zereyê na proje de yê

Teyna seba domanan ney seba keyeyan zî xebatî yenê kerdene. Semînerî yenê dayene û bi o qeyde derheqê asîmîlasyonî de hişmendîye yena viraştene. 

 

Pewerdekerdoxê neweyî resenê 

Domanî ke zereyê na proje de ca gênê do ameyoxî de sey mamosta bixebitîyê. Domanî ke 14 serrî ra pîl ê eşkenê Merkezê Kulturê Şarî de xebatanê xo dewam bikerê. Kesê ke lîse qedênayê eşkenê şorê bi Akademîya Kultur Huner ke girêdayîyê Zanîngeha Rojava.

Girewtîş 15 Tebaxe de

Qursî do qasê di mengan dewam bikerê. Dime ra 15 tebaxe de do biqedê. Girewtiş de “nawitgehê resîm, qasê 10 tîyatro û muzîk, rîtîm û govend do  bêrê viraştene. 

Eleqayo Zaf

Seba qursan zaf kesî wazenî xo qeyd bikerê. Hetanî nika hûmara kesê ke beşdar bîye wina yê: 

*Kampê Newroz: 38

* Dêrik: 80

*Girkê Legê: 73

*Til Koçer: 87

*Girbawî: 52

*Qamişlo: 30

*Heseke:84, Kobane: 55

*Merkeze Kultur ê Parqîn: 71

*Sîrîn ve Êyn Îsa: 20