Merkezê Kombîyayîşê Cinîyan ê UTAMARA yo ke eyaletê Rheiland-Pflazî yê Almanya de yo, bi şîarê ‘Şima nêeşkenê xeyalanê ma bidiznê’ emser reya 20ine festîvala domanan a tradîsyonele kerde.

Domanan festîvale de hem keyf kerd hem zî kultur û hunerê xo pêşkêş kerd.

Temsîlkara UTAMARA Gulîstane Kanîreş festîvale de ard ziwan ke Rojhelatê Mîyanênî de her roje domanî yenê qirkerdene, ganî şerî biqedê û domanî hinî nêmirê.

Domanan sehne de performansê xo mojna ra, dans kerd, werdê kurdan pêşkêş kerdî.

Koma Govendan a Domanan zî festîvale de vejîyayî sehne ser.

Domanan bi kincanê xo yê neteweyîyan bale ante xo ser. Ranya Alici zî keman cinit.