Şerê Îsraîl û Îranî de hûmara sivîlanê ke dinyaya xo bedilnaya zêdîyena. Bat Yamê Îsraîlî de bînaya 10 qatine de 7 kesî binê kerrayan de mendî. 

Îsraîlî pêroyê şewe hêrişanê xo rê dewam kerd. Artêşa Îsraîlî Tehran de xeylê cayî kerdî hedef. Hêrişan de 20ê ci domanî 60 kesî merdî.

Wezîrê Pawitişî yê Îsraîşî Yoav Gallantî û vervatoxê Artêşa Îsraîlî Avichay Adraeeyî venga şarê Îranî da ke wa waranê dormeyê tesîsanê çekan ra şorê.

Artêşa Îranî da zanayene ke hêrişanê Îsraîlî de 7 fermandarê înan ê payeberzî Mahmud Baqirî, Davud Şêxyan, Muhammed Tahirpur, Mensur Sefer Pur, Mesut Tayip, Xesrew Heseni û Cevad Cersra merdê.

Wezîrê Karanê Teberî yê Îranî Abbas Arakçiyî Amerîka seba ke paştî dana Îsraîlî sûcdar kerde û vat ke hêrişan muzakereyê mabênê Amerîka û Îranî sabote kerdî.

Wezîrîya Karanê Teberî ya Brîtanya zî îfade kerd ke pêro seyahetê ver bi Îsraîlî ameyê qedexekerdene.

Prensê Îranî yê verênî Riza Pehlevîyo ke surgun de yo roportaj da BBCyî û hêrişê Îsraîlî sey ‘îmkanê vurnayîşê rejîmî’ şirove kerdî.