Keştîya Koalîsyonê Fîloyê Azadîye (Freedom Flotilla Coaliton –FFC) ya ke waştêne hetkarîye bera Gazze vizêr hetê Îsraîlî ra dest nîyabi ser û 12 aktîvîstê ke tede bîyê ameybî destbendkerdene. Keştîya Madleenî dima ameye erdene bi Lîmanê Aşdodî yê Îsraîlî.

Wezîrîya Karanê Teberî ya Îsraîlî plarformê Xî de eşkerayîyêke daye û pare kerd ke aktîvîstê keştîye ‘Keştîya Selfie’ yê. Wezîrîye vat: ‘’Wina pawîyeno ke çendê raywanî mîyanê çend saetan de şorê. Êyê ke îmzakerdişê belgeyanê tebersînorkerdişî red kenê zî goreyê qanûnanê Îsraîlî do bêrê tebersînorkerdene.’’