Merkezê Îrtîbatî û Çapemenîye yê HPGyî nasnameyê di şehîdan eşkera kerdî. Eşkerayîye wina ya:

‘’Ma eşkerayîya xo ya 5ê hezîrana 2025î de dabi eşnawitene ke netîceya hêrişanê artêşa îşxalkere de 27ê gulana 2025î de embazê ma Welat û 30ê gulane de embazê ma Bawer şehîd bîyê. Embaz Welat Warê Xoverdayîşî yê Sergelê de netîceya bombardumanê topî de û embazê ma Bawer zî bombardumanê tankî de şehîd bi.

Embazê ma Bawer û Welat bîyî emsalê esîlî yê tewirê Apoyîyî yê bêmexlûbî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke xeyalanê embazanê xo teqîb bikerê.

Nasnameyê embazanê ma yê şehîdan wina yê:

Embazê ma Bawer qezaya Tatosî ya Erziromî de dadîya xo ra beno. O wextê zanîngehî de tewrê xebatanê ciwanan beno, wextê hêrişanê DAÎŞî de zanîngehî war verdeno û 2014 de tewrê gerîlayan beno. O cade perwerdeyê xo temam keno, tewrê Hêzanê Taybetan beno û pêro erk û mesuldarîyanê xo bêkêmasî ano ca. Embazê ma Bawer heta şehadetê xo bi fedayîtî û fedakarî têgêreno.

Embazê ma Welat Amed de dadîya xo ra beno. O beno şahîdê kerdişanê dişmenî û  Xoverdayîşê Xoîdarekerdişî ra dima 2015 de tewrê gerîlayan beno. O Herêmanê Pawitişî yê Medya de perwerde vîneno. O dima tewrê Hêzanê Taybetan beno û Herêma Şehîd Delîlî ya Rojawanê Zapî de bi xurtî şer keno. Embazê ma bi aktîfî çalakîyan de serkêşîye keno û şehîd beno.’’