Behzat Çarçelî qalê Qasim Engînî (Îsmaîl Nazlikul) ajansê ma rê kerd ke 1995 de înan koyanê azadan de pê şinasnayê.

Çarçelî vat: ‘’Embazîya embaz Qasimî bi tesîrî bîye. Ey her kesî de têkilîye ronayêne. Mi embaz Qasim 1995 de şinasna. Ma Başûr de, Metîna, Zap, Vakurê Kurdîstanî de pîya mendî. 

1995 de Rayberê ma û têgêrayîşê ma vera îxanet û hemkarîya PDKyî sey Hemleya 15ê Tebaxe ya diyîne 26ê tebaxe de hemleyêke dabî destpêkerdene.

Payîzê 1995î de sînorê Metîna-Zapî de ma yewbînî dîyî.Ey Metîna de fermandarîye kerdêne. Embaz Rojhat Bilûzerî zî fermandarê embaz Qasimî bi. Ma pîya Metîna de bîyî.

1997-1998 de ma pîya Botan de bîyî. 11 warê ma est bîyê. 8ê tebaxe de ma çalakîyêke kerdibî, ma plan kerdêne ke hema 18 çalakîyan bikerê. Embaz Qasim koma xo reyde şîye Melîxa. O bi netîce agêraye la erey mendibi.

O embazêko zaf hîperaktîf bi, hunermend bi. O tarîxnas, cigêrayox bi. Ey qiseykerdişî ra, sporî ra, govende ra hes kerdêne.

O Bazarcixî ra bi, elewî bi. O Ewropa de pîl bibi la eleqeyê xo yê bi Kurdîstanî tim est bi. O camêrdêko centilmen û çêr bi. O Qirkerdişê Mereşî ra xelisîyabi, sey koçberî şibi Almanya. Eleqeyê ey o seba kurmancî zaf bi.

Ma têgêrayîşê şehîdan ê. Şehadetê embazê Qasimî ez dejnaya. Ey tim rolê xo ard ca. Xora wexto ke rolê xo ardêne ca o şehîd bi.’’