Warê Xoverdayîşî yê Girê Cûdîyî yê herêma Şehîd Delîlî ya Rojawanê Zapî de têkoşînanê tewr girdan ê tarîxê têkoşînê azadîye ra yew yeno ciwîyayene. Gerîlayê azadîye bi hewayêkê fedayîyî xover danê û destûrê îşxalî nêdanî. Gerîlayan bi çalakîyanê xo yê serkewteyan profesyonelîya xo fînaye çiman ver. Bi çalakîyanê xo yê ke hewa û erdî ra kerdî hema hema her roje cewabê dişmenî da û rewşa şerî bedilnaye. Warê Xoverdayîşî yê Girê Cûdîyî nê prosesê şerî de waranê tewr aktîfan ra bi. Girê Cûdî de şervanî bi bawerîya pîle têkoşîn kenê.

Fedayîyê kelaya xoverdayîşî  Girê Cûdîyî  Abbas Baran, Lorîne Gever û Rawan Koçer ke 6ê çeleyê 2025î de hela ke waşt cayê xo bibedilnê, ginayî pûsûyê dişmenî rê sey bêmergan twrê kerwanê şehîdan bîyî. Nê hîrê şervanê cesûrî sey ewladanê fedayîyan ê şarê kurdî nameyê xo tarîxê xoverdayîşî de nuşt.

Domanê kurdan ke welatê vînîbîyayeyî de zulmê giranî vînenî hinî tarîxê xo zaf hole zanê. Na herre bi destanê xoverdayîşî yo ke semedê merdimîye yeno dayene yena naskerdene. No têkoşîno ke semedê azadîye yeno dayene, sînoran ra ravîyart, bi heqîqetêk ke zerrîye ra herikyeno zerrîya bîne. Şervanê azadîye berpirsîyarîya dewrêkî girewto xo ser û bêvondetişî, bêvatişê axî rayra şinê. Heta peynî pabesteyê têkoşînî yê. Têna bi şehadetê xo nê bi cuya xo zî na herre de hêvî ramenê. Heme heskerdoxanê xo raştîya nê şerê giranî de vînî kenê. Ê ke peynî de manenê hinî semedê hemrayanê xo zî ciwîyenê. Pîya bi waştiş û xeyalanê embazanê xo rayîrê xo rê dewam kenê. Raştîya 50 serran nê mûsneno înan. Merg qedîyayîşêk nîyo destpêkerdişêko newe yo. Gan yewna bedenî de dewam keno.

Abbas Baran

Dîmenê Operasyonê Şorişgêrî yê Şehîde Doga Vîyan yo ke 2023 de Warê Xoverdayîyî yê Girê Cûdîyî de ame kerdene, hema vîrê ma de yê. Nê operasyonî de şervanî derba girde danê dişmenî ro û pêro hunerê xo nê operasyonî de fînenî çiman ver. Ma Abbas Baranî reya verêne nê dîmanan de vînenî. Şervanê ke tewrê operasyonî bîyî înan ra yew zî o yo. La çîyo ke zaf vîrê ma de mend o yo ke gama ke zinarî ra yeno war bedenê yew hemrayê xo doşê xo de kirişeno. Gama ke çew nê dîmenan vîneno çew reyna beno şahîd ke cuye û merg senî têkişt de rayra şinê. Şervan Vartoyo ke bi şerkerdişî bi bêmerg koyî ci rê lawikan vanê.  Vilike kirişeno ke bedenê ci bi gonî ameyo boyekerdene. Şervan Varto doşê hemrayanê xo rê herikyeno zerrîyan.

Abbas Barano ke bedenê hemrayê xo meydanê şerî de nêverdeno beno sîmgeyê girêdayîşê hemrayîye. Xodoşnayîşê anorê welatêkê birîndarî û şarî wina rehet nîyo. Her zerrî her beden nêeşeno nê barî wedaro. Hemrayê to yo ke şima newe pîya şer kerd hinî kiştê to de nîyo û  ti bedenê ci yê delalî yê bianorî kirişenî. Sey her çîyî ti nê rê zî hazir ê. Abbas Baran binê bombayan û mermîyan de paştîya xo de şar û welatê xo kirişeno. 

Lorîne Gever

Hemra Lorîne Gever zî eynî dîmananê operasyonê şorişgêrî de deyîra azadîye vana. No vengo ke mîyanê koyan de zimeno yê Lorîne Gever o. Lorîne Gevera ke remayîşê dişmenî rê bena şahide, a cinîya egît a ke vana; ‘Ti sera remenî komando.’  Lorîne veng danê dişmenê ke remayo wa agêro meydanê şerî.  O veng vengê sondwendişê pirodayîşê xirabinîye û qerardarîye yo. Dişmenê xo rê meydan wanena û vana ma tim tîya de bî û do tim ya bê. Na cinîya fedayîye ya kurde ya ke resaya heqîqetê cinîya şervan û rinde, têkoşînê xo bi nenguyanê xo kenena û pelanê tarîxî de neqişnena. Raştîye û rolê cinîyan ê şerî fînena çiman ver. Na herre de egîtîye yena manaya cinîyan. Şexsê Lorîne Gever û bi hezaran şehîdan de reyna her kes bi şahîdê nê.

Rawan Koçer

Hemra Rawan Koçer sey mîlîtanê ciwanî tim vernîya şerî de cayê xo geno û bi çalakîyanê xo kînê xo yê vera dişmenî fîneno meydan û bi tifingê xo hêrsê xo vîryejeno. Cuya azade saweno birînanê welatê xo rê. Bi waştişê piştişê birînanê welatê xo sondê qesasgirewtişî wenano û semedê nê têkoşîn keno. Sey fedayîyêkî bi aqil û zerrîya xo emrê xo kirişeno meydanê şerî û keda bi hezaran serran herre de rameno û reseno astareyan.

Nê hîrê şehîdanê delalan viran de cayê xo girewt ke do çirey nêrê vîrakerdene. Nê hîrê qehremanê kurdî hinî çimeyê awa ab-i hayatî yê welatê xo yê. Wext o ci yo ke na awe ra qumêk bêro şimitene.