DBP, TJA, Mayanê Haştîye û DEM Partî bi wesîleya Roşanê Qurbanan gorê şehîdan ameyî zîyaretkerdene. 

Goristanê Serê Solanî yê taxa Tekserî yê Colemêrgî ame zîyaretkerdene. Wekîlê DEM Partî Vezîr Parlakî tîya de bale ante ‘Vengdayîşê Haştîye û Komelê Demokratîkî’ yê Rayber Apoyî ser û vat: ‘’Nê prosesî de ma do mesuldarîye bigêrê xo ser û ma do hêvîyanê xo bi haştî û azadîye tacîdar bikerê.’’

Qezaya Geverî de, taxanê Bajêrge û Ormanî de zî goristanî ameyî zîyaretkerdene. Goristanan de duayî ameyî wendene û keyeyan rê serweşîye ameye waştene.