Paketa Hukmî ya 10ine Meclîsî ra derbaz bibî Hetkara Serekê Baroyê Amedî Şîlane Çelîk derheqê babete de ajansê ma rê qisey kerd.

Şîlane îfade kerd ke pawitişê qanûnê înfazî ra Paketa Hukmî ser o hêvîyêka pîle est bîya la pakete cewab nêda pawitişan. Şîlane vat: ‘’Sereraştkerdişê qanûnê înfazî pêro komelî eleqedar keno. Ancî babeta tepişteyanê nêweşan zî babetêka ecîl a. Paketa newîye de beşê tepişteyanê sîyasîyan û nêweşan teng o.’’

Şîlane da zanayene ke raşt nîyo ke proses tena bi paketa hukmî û vernîyazê qanûnî bêro ercnayene û vat: ‘’Birêz Ocalanî vengdayîşêko tarîxî seba prosesî kerd. Proses do dewam bikero. Seba ke proses bi serkewtişî ser bikewo ganî vurnayîşê qanûnî bêrê kerdene. Girîng o ke proses zemînê qanûnî de bi hawayêkê asayî bêro caardene. Ganî vurnayîşê qanûnan tena îqtîdarî rê nêro verdayene. 

Ganî dewlete mesuldarîya xo bîyara ca: ‘’Hetê huqûqî ra ganî gamê winayênî bêrê eştene ke wird terefan bi qanûnî asayî bikerê. Cayê çareserîye bi xo Meclîs o. 

Qanûnanê nikayênan de xora kêmasîyê cidîyî est ê. Ganî Qanûnê Şaredarîyan de hukmê tayînkerdişê qeyûman bêro vurnayene, seba ke kurdî bibê wayîrê heqanê xo yê umûmîye, komelkî û ekonomîkan ganî sereraştkerdişê qanûnan bêro kerdene.

Seba nînan ganî Meclîs de komîsyonêko taybet bêro awankerdene.’’

Ganî dewlete mesuldarîya xo bîyara ca: ‘’Hetê huqûqî ra ganî gamê winayênî bêrê eştene ke wird terefan bi qanûnî asayî bikerê. Cayê çareserîye bi xo Meclîs o. 

Qanûnanê nikayênan de xora kêmasîyê cidîyî est ê. Ganî Qanûnê Şaredarîyan de hukmê tayînkerdişê qeyûman bêro vurnayene, seba ke kurdî bibê wayîrê heqanê xo yê umûmîye, komelkî û ekonomîkan ganî sereraştkerdişê qanûnan bêro kerdene.

Seba nînan ganî Meclîs de komîsyonêko taybet bêro awankerdene.’’