Merkezê Îrtîbatî û Çapemenîye yê HPGyî derheqê hêrişanê dewleta tirke de eşkerayîye daye.

HPGyî nê vatî: “Herêmê Pawitişî yê Medya  pê droneyanê teqaberbarkerden, obus û çekanê giranan dîyenê bombayan ver. Eynî wextî de tunelê ma pê teqbaran dîyayî bombayan ver. Dewleta tirke dahîna zaf hêrişê tunelanê şerî yê Metîna û rojawanê Zapî kena. Nêtîceya hêrişanê artêşa tirkî ya îşxalkere de 27ê gulana 2025î de hemrayê ma Welat û 30 gulana 2025î de hemrayê ma Bawerî dinyaya xo bedilnaye. Nasnameyê hemrayanê ma yê şehîdan do peyra bêrê eşkerakerdene.

Hêzê ma çarçewaya xopawitişê meşrûyî de cewabê ke hewce kenê danê. Heta ke falîyetê îşxalî yê artêşa tirke û hêrişê ci yê semedê îmhakerdişê Gerîlayanê Azadîye yê Kurdîstanî dewam bikerê, hêzê ma do semedê xopawitişî cewabo ke hewce keno bidê.”

Eşkerayîye de derheqê hêrişanê artêşa tirke û cewabê ke yenê dayene nê ameyî vatene:

Hêrişê artêşa tirke;

“Mabênê tarîxanê 29 û 30 gulane û 4ê hezîrane de tunelê ma yê Warê Xoverdayîşî yê Serê Metîna, Şêlazê yê herêma Metîna 15 reyî, Warê Xoverdayîşî yê Girê Amedîyê yê Rojawanê Zapî 13 reyî pê teqaberan dîyayî bombayan ver, nê tunelî 36 reyî ame waştene ke bi kepçeyi bêrê rijnayene.

Rewyna warê Girê Zengil, Kanî Sarkê, Dêreşê, Mijê, Zêvkê, Deşta Kafya, Girgaşê, Spîndarê, Girê Kun, Guzê yê herêma Garê, Warê Xoverdayîşî yê Serê Metîna, Şêlazê Bazê, Bêşîlî yê herêma Metîna, Warê Xoverdayîşî yê Girê Amedîyê û Girê Baharî yê Rojawanê Zapî pê çekanê giranan û obusan dîyayî bombayan ver.

Cewabê hêzanê ma;

30 û 31ê gulane de Warê Xoverdayîşî yê Girê Amediyê yê Zapî de hedefê ke waştêne hêriş bikerî ameyî pirodayene, sîstemêkê radarî,konteynirêk, û xeymêke ameyî derbkerdene, droneyêk ame îmhakerdene, 2 îşxalkerî ameyî cezakerdene û 2 îşxalkerî birîndar bîyî. 

1 û 2ê hezîrane de Warê Xoverdayîşî yê Girê Amediyê de hedefê ke waştêne hêriş bikerî bi teknîkî ameyî pirodayene, konteynirêk ame îmhakerdene,xeymêke ameye derbkerdene û îşxalkerêk ame cezakerdene. Dişmenê ke vera hêzanê ma vengdayîşê tahrikin kerd bi çekanê giranan cewabê ci ame dayene.

4ê hezîrane de Warê Xoverdayîşî yê Bêşîlîyî yê herêma Metîna de îşxalkeran ke waşt semedê îşxalî rayîr virazê kepçeyê înano zirxin pê teknîkî ame pirodayene.”