Torra Heqanê Merdiman a Kurdsîtanî (KHR) da zanayene ke Wezîrîya Îstîxbaratî ya Îranî keyeyê tepişteya sîyasîye Werîşe Muradî tehdît kerd.

KHRYÎ da pêhesnayene ke keyeyê Werîşe Muradî 8ê hezîrane ra nata hetê merkezanê Sana û Tahranî ra yê ke pabesteyê Wezîrîya Îstîxbaratî yê, ame tehdîtkerdene.

Hetê bînî ra bajarekê Şuşayî yê Sîna de waya Werîşe Muradî û zamayê ci hetê hêzanê îstîxbaratî yê Îranî ra ameyî tepiştene û ameyî berdene cayêkê nîno zanayene.

KHRyî peynîya menga gulane de dabi zanayene ke Werîşe Muradî nêweşxaneyî rê nîna sewqkerdene û tedawîya ci yena astengkerdene.

Werîşe Muradî 1ê tebaxa 2023yî de bajarê Sîne yê Rojhelatê Kurdîstanî de hetê Muhafizanê Şorişî yê Îranî ra ameye destbendkerdene, badê cipersayîşê panc mengan Zîndanê Cinîyan ê Evînî yê Tahranî rê ameyî surgunkerdene û o wextî ra nata zîndan de xizmetanê weşîye ra mehrum yena verdayene. 10ê adara 2024î de cezaya îdamî dîyaye Werîşe Muradî.