Çarçewa tehqîqatanê serê şaredarîyanê CHPyî de Şaredarê Avcilarî Utku Caney Çaykara, Şaredarê Buyukçekmeceyî Hasan Akgun û Şaredarê Gazîosmanpaşayî Hakan Bahçetepe ameyî tepiştene. Herinda înan de wekîlê şaredaran ameyî weçînayene.

Weçînayîşo destpêk Şaredarîya Gazîosmanpaşayî (GOP) de ame kerdene. Raydayîşî saete 10.00 de dest pêkerd, namzedê AKPyî endamê Meclîsî Eray Karadenîz bi 21 rayan sey serekwekîlî ame weçînayene. Namzedê CHPyî Hetkarê Şaredarî Murat Topaloglu bi. Meclîsê Şaredarîye de AKP wayîrê 18î, CHP wayîrê 17î û MHP zî wayîrê 3 endaman bîyî.

Şaredarîyanê Avcilar û Buyukçekmeceyî de weçînayîşê serekwekîlîye do bêrê kerdene. Nê wird qezayan de zafê endamê meclîsanê şaredarîyan, ê CHPyî yê.