Heyetê Filîstînî bi bira Koma Pêroyî ya Rêxistina Weşîye ya Dinya (WHO) heq girewt ke ala rêxistine berz bikero. Bire bi vernîyazo ke Çîn, Pakîstan û Erebîstana Siûdî dayo ameye qebulkerdene.

No gama sembolîke beno ke biba sebeb ke Filîstîn warê mîyanneteweyîyî de seba şinasîyayîşî gamanê xurtan bierzo.

Sefîrê Berzî yê Filîstînî yê Neteweyanê Yewbîyayeyan ê Cenevre Ibrahim Khraishiyî dîyar kerd ke bire mojnena ke ‘ê parçeyê komelê mîyanneteweyî yê.’

Îsraîlî îdîa kerd ke na bire sîyasî ya. Amerîka zî tewra raydayîşî nêbîya. Fransa û Japonya paştî daye pêşnîyazî la Brîtanya bêteref mende.

Filîstîn WHO de hema zî statutê dewleta çimdarîye de yo la heqê ci est o ke agahîyan bigêro.