Platformê Ziwanê Kurdkî yê Ewropa (PZK-E) derheqê agahîyanê şaşan de eşkerayîyêke daye ke nê agahîyî Zanîngehê Kurdan ê Almanya ser o yê.

Platformî dîyar kerd ke zanîngeh bi hawayêkê fermîyî awan bîyo, ziwanê ci yê perwerdeyî do bi kurdkî, almankî û îngilîzkî bibo û 2026 de dest pê perwerdeyî bikero.

Vervatoxê PZK-E Lezgîn Botanî ard ziwan ke zanîngeh şaristanê Dresdenî yê Almanya de yo û tede beşê serê ziwan, kultur, tarîx, edebîyat, sosylojî û teknolojî est bê. Rektorê zanîngehî do Prof. Christoph Scholz bibo. 

Botanî pare kerd ke nika kadroyê zanîngehî de 10 profesor û 11 akademîsyenî est ê la seba kadroyî muracatî zaf ê.

Botanî da zanayene ke ganî agahîyê serê zanîngehî adresanê [ikhs.de](http://ikhs.de) ra bêro teqîbkerdene û şar goş nêkuwo tedeyîyanê spekulatîfan ê medyaya dîjîtale.

Botanî vat ke ê do seba zanîngehî nêzdî de kampanyaya bexş û hetkatîye bidê destpêkerdene.