Mîgdat Erkek 1992 de tewrê PKKyî bibi û 1996 de hîrêgoşeyê qezaya Licê û Pasûrî ya Amedî û Dara Hêni ya Çewlîgî de şer de şehîd bibi.

Keyeyê ey 2000 de bi rayîrê kitabêkî musa ke lajê înan şehîd bîyo. Kitab de yeno vatene ke cenazayê Erkekî Newala Şatosî de ya. La keye nêeşka xo biresno cenaza.

Goreyê cigêrayîşanê keyeyî Çemê Sarûmî de dewijan cenazayê 5 gerîlayan dîyê û agahîye daya cendirmeyan. Şahîdan eşkera kerd ke cenazayî qeraxê çemêkê qijî de, nêzdîyê Qereqolê Uçdamlarî de bi hawayêkê komkîyî ameyê definkerdene. Nê warî de qereqol est bi la nika dibistanêke est a.

Dayîke Nefîse vat: ‘’Verî ke ez bimira wazena gorêkê lajê min est bo. Wa herême bêra kinitene. Wa esteyê lajê mi bêrê dayene.’’

Keyeyê Erkekî derheqê babete de do muracatê Komeleya Heqanê Merdiman (ÎHD) bikero.