Kongreya 12ine ya PKKyî mabênê 5-7ê gulane de amebî kerdene. 

Endama Konseya Serekîya Pêroyî ya KCKyî Sozdare Avesta derheqê kongre de nê ercnayîşî kerdî:

‘’Kongreya 12ine kongreya tarîxî bîye. PKKyî serkêşîya Rayber Apoyî de 52 serrî yo têkoşîn kerdêne. Kongreya ma netîceya nê têkoşînî ya. PKKyî şarêko merde kerd gandar. PKKyî seba merdimatîye şorişêk viraşt, têkoşînê cinîyan, şorişê cinîyan aver berd. Ewro cinîyê kurdî xêrê nê têkoşînî ra serkêşîya têkoşînê azadîye kenê.

Têkoşînê PKKyî û Rayber Apoyî kurdê azadî afernayî. PKKyî esasê Vengdayîşê Haştîye û Komelê Demokratîkî de bi perspektîfê Rayber Apoyî kongreya xo kerde. Kongre de qalibê sosyalîzmê reelî ame şiknayene. Çew nêeşka PKKyî bin bivisno.

Hinî bi erk û mesuldarîyan komelo demokratîk do bêro averkerdene. Nê têkoşînî de serdestîya camêrdan do bêro binkerdene, yewîya şaran û haştîye do bêrê caardene. PKKyî no vurîyayîş seba pêro merdimatîye kerd. Coka hinî PKK şar o.

Bi na kongre ame îsbatkerdene ke sûcdarîya ‘teror û terorîzmî’ çend veng a. Pêro delegeyî na kongre de dormeyê Rayber Apoyî de kom bîyî. Ma do mîrasê PKKyî yê 52 serrî ser de têkoşîn pîlêr bikerê. Wext wextê yewî, haştî û komelê demokratîkî yo.’’