Hemserekê DEM Partî Tuncer Bakirhan û Tulaye Hatîmogullari Serekê MHPyî Devlet Bahçelîyî reyde roniştî. Heyetê DEM Partî Hemserekan, Serekwekîlan Gulistan Kiliç Koçyîgît û Sezaî Temellî ra ame pê. Serekê MHPyî Devlet Bahçelîyî heyet pêşwazî kerd.

Pêvînayîşê mabênê DEM Partî û MHPyî 40 deqayî dewam kerd.

Buroyê Çapemenîye yê DEM Partî da zanayene ke pêvînayîş de qewimîyayîşê Tirkîya û herême, Vengdayîşê Komelê Demokratîkî û Haştîye yê Rayber Apoyî, pêvînayîşê bi Rayber Apoyî û birê Kongreya PKKyî ameyê ercnayene.

Pêvînayîş de bale ameye antene rolanê Meclîsî yê seba prosesî, awankerdişê komîsyonêkî û Qanûnê Bingeyî ser.

Buroyê Çapemenîye vat: ‘’Pêvînayîş de seke Birêz Bahçelîyî zî waştibi ame parekerdene ke ganî binê sîwana Meclîsî de komîsyonêk bêro awankerdene. Heyetê ma do Meclîs de AKPyî de zî pêvînayîş bikero.’’