Selahîyetdaranê Îran û Iraqî Moskova de PKKyî ser o qisey kerd
Şêwirmendê Asayîşê Neteweyî yê Iraqî Qasim Erecîyî û Sekreterê Pêroyî yê Konseya Asayîşê Neteweyî ya Îranî Alî Ekber Ahmedîyan Rûsya de bira feshkerdişê PKKyî ser o qisey kerd.
Goreyê eşkerayîya Ofîsê Çapemenîye yê Şêwirmendîya Asayîşê Neteweyî yê Iraqî Qasim Erecî û Alî Ekber Ahmedîyan şewa sêşemeyî Moskova de Kombîyayîşê Selahîyetdaranê Asayîşî yê Payeberzî yê Mîyanneteweyî yê 13inî ra dima pîya roniştî.
Kombîyayîş de peymana asayîşî ya mabênê wird welatan ameya nîqaşkerdene. Goreyê eşkerayîye ercnayîşê asayîşê herême, bira xofeshkerdişê PKKyî û tesîrê ney ê serê di welatan zî ameyê nîqaşkerdene.
Ame vatene ke babetê stratejîkî yê sey teqîbkerdişê peymana asayîşê hemparî û rewşa Sûrîye zî ameyê ercnayene.
