Rixmê bira xofeshkerdişî ya PKKyî zî Almanya de 1993 ra nata qedexeyê PKKyî dewam keno. Hewteyê vîyarteyî de Mehkemeya Îdarî ya Berlinî rê muracat amebi kerdene ke wa qedexe bêro wedaritene. Sereka Komeleya Huqûq û Demokrasîyî ya Mîyanneteweyîye (MAF-DAD) û avûkate Heike Geisweid venga hukmatê Almanya da ke mesuldarîye bigêro xo ser.

Heike Geisweid dîyar kerd ke bira xofeshkerdişî ya PKKyî û qedînayîşê têkoşînê çekdarî seba Almanya zî safhayêka tarîxî ya. Heike da zanayene ke Almanya de dîasporaya kurdan pîl a û serebûtê Tirkîya tesîrê Almanya zî kenê. 

Heike Geisweid vat: ‘’Almanya de qedexeyê PKKyî çarçewa ‘sûcanê endamîya rêxistina terorî ya xerîbe’ de vera sîyasetmedaranê kurdan goreyê madeya 129b ya Qanûnê Ceza yeno caardene. Biranê kongreya PKKyî ra dima hinî seba qedexeyê PKKyî bahane nêmend.

No qedexe exlaqî yan zî huqûqî nîyo. Tena komelê kurdan ney çepê almanan zî ganî nê prosesî de bi aktîfî cabigêrê. Kesê ke pozîsyonê qerardayîşî de yê ganî mesuldarîye bigêrê xo ser. Hinî goke Almanya de ya.’’